Hợp âm Douce Dame Jolie

Lời 1

"Douce Dame Jolie", đôi khi chỉ được gọi là 'Douce Dame', là một bài hát từ thế kỷ 14, của nhà soạn nhạc người Pháp Guillaume de Machaut. Bài hát là một bản virelai, thuộc thể loại ars novavà là một trong những giai điệu thời trung cổ thường được nghe nhất hiện nay. Tuy nhiên, nhiều bản ghi âm hiện đại bỏ qua lời bài hát

Douce dame jolie, Pour dieu ne pensés mie

Que nulle ait signorie Seur moy fors vous seulement.

Qu'adès sans tricherie chierie vous ay et humblement

Tous les jours de ma vie servie sans villain pensement.

Helas! et je mendie D'esperance et d'aïe;

Dont ma joie est fenie, Se pité ne vous en prent.

Douce dame jolie, Pour dieu ne pensés mie

Que nulle ait signorie Seur moy fors vous seulement.

Mais vo douce maistrie maistrie mon cuer si durement

Qu'elle le contralie et lie en amour tellement

Qu'il n'a de riens envie fors d'estre en vo baillie;

Et se ne li ottrie vos cuers nul aligement.

Douce dame jolie, Pour dieu ne pensés mie

Que nulle ait signorie Seur moy fors vous seulement.

Et quant ma maladie garie ne sera nullement

Sans vous, douce anemie, qui lie estes de mon tourment,

A jointes mains deprie vo cuer, puis qu'il m'oublie,

Que temprement m'ocie, car trop langui longuement.

Douce dame jolie, Pour dieu ne pensés mie

Que nulle ait signorie Seur moy fors vous seulement.